పిలుపు

సీతక్కో గీతక్కో,

చూసావంటే రమణక్కో,

లాఠీకి బెదరని లక్ష్మిలెందరో,

తూటకి ఎదురు నిలిచిన రాణిలెందరో ...

దారి మళ్ళిన ప్రజాస్వామ్యానికి,

నారి భేరి జవాబు చెబుతోంది,

కలసి నడుదాం రారండో , దేశ

గతిని మార్చుదాం లేరండో...

షెహ్ల, రానా కదం తొక్కి కదిలినారు,

అయేషా, లదీదాలు గళం విప్పి గర్జించినారు,

మన బిడ్డలు తోబోట్టువులు మొదటి అడుగు వేశారు,

జరిగే అన్యాయానికి అరికట్టేందుకు పోరాడుతున్నారు...

లేరండోయ్, రారండోయ్, సీతక్కో గీతక్కో,

కలిసి అడుగేద్దాం రావే రమణక్కో,

ఉద్యమాల భారతానికి పునాదులు వేద్దాం,

మెరుగైన పాలన మన హక్కందాం ...

#activism #telugu #politics

Edited by Naga Venkatesh

మేలుకొలుపు

కలం మారిన, కథె మారును,

కదం మారిన, కలే మారును...

నీకు అనిపించొచ్చు ఇది...

నవ శఖ ఆరంభం.

కొత్త నాయకుడి ఉదయం.

పాలనా విధాన సంస్కరణం.

దిక్సుచి దూరదృష్టి సమాజ సమతుల్యం.

నాకు తెలిసినది మాత్రం...

రాజకీయ రణ క్రీడలొ మరొ అధ్యయం.

దోపిడి దగాకోరు లంచగొండి వెదవల

పందేరం, కాబోయే మరొ రావణ కాష్టం...

జనులెరిగిన పచ్చి  నిజం...

నేడు ఇచట, రేపు అచట,

అధికారమే ఐస్కాంతమాయెనట,

జెండా ఏదైనా, కండువ కొత్తదైనా,

డబ్బు గూటికే వీరి తుది అడుగట...

మేలుకొను వేళాయెరా  ...

నువ్వు నేను మరచిన పౌరాధికారం,

ప్రశ్నించే కర్తవ్యం, కాలరాలునురా

మనం కలలుకన్న స్వరాజ్యం..

రెప్ప మూసినా విడగొట్టుదురురా,

కనులు తెరవరా సహొదరా ... !

#politics #activism #telugu

వాంఛ

వెండి వెన్నెల దివి తీరాన,

సాగే ప్రవాహ రాగాన,

మనసున ఆగని దాగని

మాటలనే నీతో తెలుపనా ...

ఇంటి ముంగిట ముగ్గు వేయగా,

ఆరు బయట పందిరిసడిన,

తొంగి చూసి పరవశించి,

నను నేను మరువగా...

మడి చీర వయ్యారంలో,

నడిచే శృంగార వీణ,

నీ తడి కురుల చిక్కుల్లో,

బంధీనై నే జీవించగా...

జాలువారే నీ వాలు జడ,

కొప్పున జాజిమల్లెల సువాసన,

సత్యభామనే తలపింతువులే,

ఆ కోపతాపాల నే సేదతీరగా...

పులకించెనే మది ఆ శృతిలో,

కవ్వేనే నీ మాటల సడిలో,

కనుల వెలుగులు, పెదవి విరుపులు,

మురిసె చెక్కిళ్లు, మెరిసే నా లోగిళ్ళు...

#surreal #relationship #telugu